ازاي تتعلم انجليزي لوحدك و في مدة قصيرة

ازيكم يا شباب

فيه ناس كتير سالتني انت اتعلمت الانجليش فين؟؟

اولا كده انا اتعلمته لواحدي , مكنش معايا فلوس اني اخد كورس في مكاني بفلوس كتير. طيب عملت ايه؟

انا اتعلمت انجليش في 6 شهور , في بداية ال 6 شهور كنت معايا انجليش الثانوية العامة و في اخر ال 6 شهور كنت بفهم اغاني ال Rap , اتقنت اللهجة الامريكية و بفهم تقريبا كل اللهجات الاخري ..

ازاااااي؟

في البداية كدة كنت مهتم بالقواعد جدا , اشتريت كام كتاب علي قدي كده من اهمهم (English Grammar in Use) وده فادني كتيير جدا و كنت بتابع الجرائد الاجنبية كلها علي الانترنت و اقراء مقالات والي معرفهوش كنت بدور علي جوجل و احفظه . تقريبا في شهر و نص خلصت كل القواعد

بس كنت اما اقعد اتفرج علي فلم مفهمش اي حاااجة, طيب اعمل ايه؟

كنت متابع علي MBC 2 , كل يوم الصبح افتج الجدول بتاعهم علي الانترنت و اعرف حيجيبوا افلام ايه و كنت بحمل من علي الانترنت ال Script بتاع الفلم عشان اكون متابع و انا بتفرج.

بس بردوا كنت بلاقي صعوبة كبيرة في الاستيعاب و كنت شايف ان تعلم اللهجة الامريكية امر صعب لاني كنت متخيل انهم بيتكلموا بسرعة , لغاية ما وقع قدامي و انا بدور علي الانترنت كتاب عن اللهجة العامية الامريكية و هو ده كان المفيد , الكتب دي هي ال خلتني اتقن الانجليزي كويس اووووي قريت تقريبا 25 كتاب و عشان اكون دقيق انا حفظتهم ..و كمان اهتميت ب ال Phrasal verbs جدااا ,, كل ده انا بحمل كتب من علي الانترنت , مش بشتري اي حااجه.

كنت بحفظ بقا كلمات كتيير و Phrasal Verbs منين ؟؟

- من ال Longman Dictionary بتاع الثانوية العامة

طيب ازااي؟

كنت عامل لنفسي هدف يومي اني اقراء عدد معين من الصفحات (مثلا 30 صفحة في اليوم و بترتيب عشوائي)

الموضوع ده فاادني جداااا

من الصعوبات الي قابلتها هي اني ابرمج عقلي اني اتكلم انجليزي و افهم انجليزي و ارد بالانجليزي من غير ما اترجم اي حااجه للعربي؟

دي بقا استخدمت استراتيجية " الزن علي الودان امر من السحر" : لو حد كلمني بالعربي كنت بحاول ارد عليه بالانجليزي , كنت بحاول اعمل حوار مع نفسي بالانجليزي , لو اتفرجت علي فلم كنت بحاول احط نفسي في الاحداث و اتفعال لغابة ما لغاية خااالص موضوع ال station.

و بعد كده اشتريت ال TOEFl Preparation و ال IELTS و بداءت الرحلة

مش شرط عشان تتعلم اللغة انك تروح لحد تدفع فلوس كتيير , انك ممكن تقدر تعمل كده لوحدك

و دي الكتب بتاعت اللهجة العامية و باذن الله في كتب كتير تانيه حرفعها الايام القادمة

تنويه : الفيديو ده بيشرح كيفية التحميل بمنتهي السهولة (من علي قناتي علي اليوتيوب)

https://www.youtube.com/watch?v=TGaPg1T2Q88

انطلقواااااااااااااااا :

https://www.up-4ever.org/f350h2i06gti

https://www.up-4ever.org/fkl1kkj8pvi1

https://www.up-4ever.org/96kj0aa3yuhs

https://www.up-4ever.org/ymik5uonhbl9

https://www.up-4ever.org/u53spi8ob0lc

https://www.up-4ever.org/ogkc31cf8u4t